დღეს სასამართლო დარბაზიდან ცენტრ-პოინტის საქმეზე ერთ-ერთი ბრალდებული სალომე ჩარკვიანი გათავისუფლდა. მას მოსამართლის გადაწყვეტილებით 4 წლიანი პირობითი სასჯელი დაეკისრა.

რუსთავი 2-ის ინფორმაციით, სალომე ჩარკვიანთან პროკურატურამ საპროცესო გარიგება გააფორმა.

პროკურატურის განცხადებით, ჩარკვიანმა ითანამშრომლა გამოძიებასთან, მან ბრალიც აღიარა და ის წარსულში ნასამართლევი არაა. აღნიშნული გარემოებებიდან გამომდინარე, ბრალდების მხარემ მიიღო გადაწყვეტილება, რომ მისი პატიმრობაში დატოვება აუცილებლობას არ წარმოადგენდა.