ირანის სულიერი ლიდერი, აიათოლა ალი ხამენეი მსოფლიოს მუსლიმებს ამერიკის შეერთებული შტატების წინააღმდეგ გაერთიანებისკენ მოუწოდებს. ამის შესახებ ინფორმაციას როიტერსი ავრცელებს.

"ირანელი ხალხი წარმატებით უმკლავდებოდა დაშინების მცდელობებს ამერიკის და სხვა ამპარტავანი ქვეყნების მხრიდან და ჩვენ, კვლავ ვაპირებთ წინააღმდეგობის გაწევას. ყველა მუსლიმური ქვეყანა უნდა გაერთიანდეს ამერიკისა და სხვა მტრების წინააღმდეგ", - განაცხადა აიათოლა ალი ხამენეიმ.

ირანის სულიერმა ლიდერმა ეს მას შემდეგ განაცხადა, რაც აშშ-ს პრეზიდენტმა დონალდ ტრამპმა თქვა, რომ ვაშინგტონის დახმარების გარეშე ახლო აღმოსავლეთი ერთი კვირაც კი ვერ იარსებებს.

"ასეთი სიტყვები დამამცირებელია მუსლიმებისთვის", - განაცხადა სულიერმა ლიდერმა. მან ასევე აღნიშნა, რომ რეგიონში გრძელდება ომები, იმ ქვეყნებს შორის, რომლებსაც ისლამი აერთიანებს.

25 აპრილს ირანის პრეზიდენტმა ჰასან როუჰანიმ აშშ-ს რეგიონს დატოვებისკენ მოუწოდა. "წადით! თქვენ გარეშე, აქ უფრო უსაფრთხო იქნება", - განაცხადა როუჰანიმ.