ზუგდიდში, ფაროსანასთან საბრძოლველად დროებით გაცემული ტექნიკიდან აკუმულატორები მოიპარეს. ინფორმაციას ადგილობრივი ონლაინ გამოცემა LivePress ავრცელებს.

გამოცემის ინფორმაციით, შემთხვევა 25 აპრილს ღამით მოხდა. ავტომანქანები ზუგდიდის ერთ-ერთ სადგომზე იყო განთავსებული.

როგორც On.ge-ს შინაგან საქმეთა სამინისტროში უთხრეს, საქმეზე გამოძიება სისხლის სამართლის კოდექსის 177-ე მუხლითაა დაწყებული, რაც ქურდობას გულისხმობს და ითვალისწინებს სასჯელს ჯარიმით ან შინაპატიმრობით ვადით ექვსი თვიდან ერთ წლამდე ანდა თავისუფლების აღკვეთით ვადით ერთიდან სამ წლამდე.

სპეციალურ ტექნიკა ზუგდიდის მუნიციპალიტეტს, აზიურ ფაროსანასთან საბრძოვლელად, 25 აპრილს გადაეცა.