ოპიზიციის ლიდერის ნიკოლოზ პაშინიანის და ოპოზიციონერი დეპუტატების არარატ მირზოიანის და სასუნ მიკაელიანის დაკავების შესახებ სომხეთის პოლიცია განცხადებას ავრცელებს.

უწყებაში ამბობებ, რომ პოლიციამ მათ არაერთგზის მოუწოდა არცახას ქუჩაზე არაკანონიერი აქციის დაშლისკენ, მიუხედავად ამისა პაშინიანი მოქალაქეებს დაუმორჩილებლობისკენ მოუწოდებდა. განცხადებაში ნათქვამია, რომ კანონიერი მოთხოვნის შეუსრულებლობის შემდეგ აქციის ლიდერები ძალდატანებით გაიყვანეს აქციიდან.

რადიო თავისუფლების ადგილობრივი ბიუროს ინფორმაციით, პაშინიანი აქციის მონაწილეებთან ერთად ერებუნის რაიონისკენ , არცახას ქუჩაზე მიემართებოდა, როცა პოლიციამ გზა მავთულხლართებით გადაუღობათ.

აქციის მონაწილეებმა პოლიციის კორდონის გარღვევა სცადეს, რასაც შეტაკება მოჰყვა. პოლიციამ ამჯერადაც გამოიყენა ხმოვანი ყუმბარები და აქციის მონაწილეების ძალის გამოყენებით დაშლა სცადა.

სომხეთის პოლიციაში ამბობენ, რომ თუკი აქციის მონაწილეები მათ მოთხოვნას არ დაემორჩილებიან მათი დაკავების კანონიერი უფლება აქვთ.