ბეიონსემ კოაჩელას სცენა უკვე მეორედ დაიპყრო, რაც იმას ნიშნავს, რომ ტვიტერზე კიდევ უამრავი ვიდეო გამოჩნდა #Beychella-ს ჰეშტეგით.

კოაჩელას პირველმა აფროამერიკელმა ჰედლაინერმა ქალმა, ფესტივალის მეორე შაბათ-კვირასაც იგივე სიმღერები შეასრულა, რაც წინა კვირას.

კოაჩელას დედოფლად წოდებულ ბიონსეს სცენაზე კვლავ ჰყავდა განსაკუთრებული სტუმრები - ჯეი-ზი, სოლანჟი და Destiny's Child-ის წევრები კელი როულენდი და მიშელ უილიამსი.

ინტერნეტ-მომხმარებლების ყურადღება მიიპყრო ბიონსეს ახალმა კოსტიუმებმაც, რომელიც მისთვის მოდის სახლმა Balmain-მა შექმნა. წინა შესრულებიდან ბიონსეს ბრჭყვიალა ჩექმები და ჯინსის შორტი ისევ ეცვა, ამჯერად ყვითელის ნაცვლად ვარდისფერი ჰუდით.