რამდენიმე საათის წინ, ფეისბუქში გავრცელდა ინფორმაცია იმის შესახებ, რომ სომხეთსა და საქართველოს შორის საზღვარი ჩაიკეტა. მომხმარებელთა ნაწილი ამას სომხეთში მიმდინარე არეულობებს უკავშირებს.

ინფორმაციის გადასამოწმებლად On.ge შინაგან საქმეთა სამინისტროს დაუკავშირდა. უწყებაში გვითხრეს, რომ საზღვარი არ ჩაკეტილა და შეუფერხებლად მუშაობს.

სომხეთში, 13 აპრილიდან დღემდე საპროტესტო აქციები მიმდინარეობს. აქციები სომხეთის ყოფილი პრეზიდენტის, სერჟ სარგსიანის მიერ როლის შეცვლის და პრემიერ-მინისტრის პოსტზე გადასვლის გაპროტესტებით დაიწყო, შემდეგ კი სამოქალაქო დაუმორჩლებლობაში გადაიზარდა.