პარლამენტის დეპუტატის, დავით ჭიჭინაძის განცხადებით, ის, რომ ვანო ზარდიაშვილი ქართული ოცნების წევრია, ხელისუფლებაში მოსვლის შემდეგ პარტიის ყველაზე დიდი შეცდომაა.

"მე დავარქვი მაგას სახელი, ეგ არის ნეგატივის გამავრცელებელი, ქართული ოცნება ამ სენისგან, რასაც ჰქვია კოლექტიური ზარდიაშვილი, უნდა გათავისუფლდეს", - განაცხადა ჭიჭინაძემ.

როდესაც ჟურნალისტებმა ჰკითხეს, თუ რატომ ფიქრობს ასე, ჭიჭინაძემ უპასუხა:

"ვიცი მისი დამოკიდებულება მეზობლების მიმართ. არჩევნების დროს როგორ იქცეოდა, წადით, ჰკითხეთ მეზობლებს".

დღეს, 19 აპრილს საპარლამენტო უმრავლესობის სხდომა უნდა გამართულიყო, თუმცა დეპუტატების მოთხოვნით სხდომა გადაიდო.

ქართული ოცნების შიგნით არსებულ დაპირისპირებაზე საჯაროდ საუბარი მას შემდეგ დაიწყო, რაც საზოგადოებრივი მაუწყებლობის სამეურვეო საბჭოს მეურვედ ნინია კაკაბაძის კანდიდატურის მხარდაჭერის გამო გედევან ფოფხაძემ უმრავლესობის დატოვება გადაწყვიტა.

პარლამენტის თავმჯდომარემ, ირაკლი კობახიძემ განცხადა, რომ იმ დეპუტატებს, რომლებიც ქართულ ოცნებაში არსებულ დაპირისპირებაზე ღიად ლაპარაკობენ, თანამშრომლობის გაგრძელების მიზნით წინაპირობებს წაუყენებენ. კობახიძის თქმით, წინაპირობები დისციპლინის საკითხებს უკავშირება. მისი განმარტებით, გაიწერება კონკრეტული წესები, რომელსაც შესაბამისი რეაგირების მექანიზმი მიემაგრება.

გაიგეთ მეტი: