საქართველოს პარლამენტის თავმჯდომარის ირაკლი კობახიძის განცხადებით, იმ დეპუტატებს, რომლებიც ქართულ ოცნებაში არსებულ დაპირისპირებაზე ღიად ლაპარაკობენ, თანამშრომლობის გაგრძელების მიზნით წინაპირობებს წაუყენებენ.

პარლამენტის თავმჯდომარის თქმით, გუნდის რამდენიმე წევრმა შეცდომები დაუშვა, თუმცა ამ ადამიანებთან ურთიერთობის დალაგების რესურსი არსებობს.

"ყველას სიმშვიდისკენ მოვუწოდებ. ჩვენ დაპირისპირებისთვის არ უნდა გვეცალოს", - უთხრა ჟურნალისტებს ირაკლი კობახიძემ.

კობახიძის თქმით, წინაპირობები დისციპლინის საკითხებს უკავშირება.

"პირობები მარტივია. თუ დაირღვა დისციპლინა ეს უნდა შეფასდეს. თანაგუნდელის შეურაცხყოფა დისციპლინის დარღვევის ერთ-ერთი გამოვლენაა. თუ დეპუტატი პირობებზე არ მოდის, შესაბამისი პროცესები გაგრძელდება", - ამბობს პარლამენტის თავმჯდომარე.

მისი განმარტებით, გაიწერება კონკრეტული წესები, რომელსაც შესაბამისი რეაგირების მექანიზმი მიემაგრება.

ქართული ოცნების შიგნით არსებულ დაპირისპირებაზე საჯაროდ საუბარი მას შემდეგ დაიწყო, რაც საზოგადოებრივი მაუწყებლობის სამეურვეო საბჭოს მეურვედ ნინია კაკაბაძის კანდიდატურის მხარდაჭერის გამო გედევან ფოფხაძემ უმრავლესობის დატოვება გადაწყვიტა.

პარლამენტის თავმჯდომარის განცხადებით, რელიგიური თემის სპეკულირების ფონზე, "გედი ფოფხაძემ საკმაოდ მძიმე შეურაცხყოფა მიაყენა თავის თანაგუნდელებს". ქანთარიამ განაცხადა, რომ თავმჯდომარის განცხადებები ავტორიტარიზმის ნიშნებს შეიცავს.

ამავე თემაზე: