2017-18 წლების სეზონის ჩემპიონთა ლიგის მეოთხედფინალური ეტაპის მეორე შეხვედრაში ლივერპულმა სიტი 1:2 (ჯამში 1:5) დაამარცხა და შემდეგ ეტაპზე გავიდა. მატჩის შემდგომ მერსესაიდელთა მთავარმა მწვრთნელმა იურგენ კლოპმა შეხვედრა შეაფასა:

"მატჩის დასაწყისი რთული გამოდგა, მაგრამ სიმართლე გითხრათ, მოვლენათა ამგვარ განვითარებას ველოდი კიდეც".

"სიტი ვა-ბანკზე წავიდა, ჩვენ კი მცირე გამართლება და დაცვაში ყურადღებით თამაში გვჭირდებოდა. პირველი ტაიმის შემდეგ უკმაყოფილო ვიყავი. კომპაქტურობა გვაკლდა და სიტის ბურთს ხშირად ვუთმობდით", - აღნიშნა კლოპმა.

მისი თქმით, გვარდიოლამ ყველაფერი სწორად გააკეთა და მარცხი მისი შეცდომა არ ყოფილა.

"გვარდიოლა რისკზე წავიდა და ვთვლი, რომ ეს აბსოლუტურად გამართლებული იყო. მარტივია თქვა, რომ ლივერპულმა მოიგო და სიტიმ ყველაფერი არასწორად გააკეთა, თუმცა მათ პირველ ტაიმში 2-3 გოლის გატანა სჭირდებოდათ".

ამ გამარჯვების შემდეგ, ლივერპული პირველი გუნდი გახდა, რომელმაც პეპ გვარდიოლას გაწვრთნილი კლუბი ერთ სეზონში სამჯერ დაამარცხა.