ჩვენს პლანეტაზე უამრავი კეთილი და პატიოსანი ადამიანი ცხოვრობს, მაგრამ ჯიმი გილენსი, მათ შორის, ერთ-ერთი ყველაზე გამორჩეულია.

რატომ? რადგან ის არამარტო კეთილი, არამედ ძალიან მიზანდასახული და იღბლიანი კაცია.

საქმე ის არის, რომ ჯიმის ბარში ქალმა საფულე დაკარგა. ოდნავ მოგვიანებით კი ბარის მეპატრონეს დაუკავშირდა და მოძებნაში დახმარება სთხოვა.

კაცმა მაშინვე ნახა სათვალთვალო კამერით გადაღებული კადრები, რომელიც საფულეს გაქრობის მომენტსა და მის ქურდსაც ასახავდა. საქმეში მალევე ჩაერთო პოლიციაც.

ქურდი არასრულწლოვანი, უსახლკარო მოზარდი აღმოჩნდა, რომელმაც მოპარული ნაღდი ფული თავის გამოსაკვებად გამოიყენა. საფულე და ბრილიანტის $10 ათასიანი ბეჭედი კი არც მეტი, არც ნაკლები, პირდაპირ ოკეანეში მოისროლა.

როგორც მოსალოდნელი იყო, პოლიციამ საქმე დახურა. მათი აზრით დაკარგული ნივთების მოძებნა უკვე შეუძლებელი იყო.

თუმცა მიზანდასახული და ძალიან იღბლიანი ჯიმი დანებებას არ აპირებდა. მან მყვინთავებს დახმარება სთხოვა, რათა საკმაოდ ძვირადღირებული ბეჭედი ოკეანის ფსკერზე მოეძებნათ. საბედნიეროდ ხანგრძლივი ძიების შემდეგ ასეც მოხდა.

ფოტო: jimmyswrightsvillebeach

ფიქრობთ, რომ ყველაზე საინტერესო უკვე ითქვა? ძალიან ცდებით, რადგან ჯიმმა არამარტო დაზარალებული ქალის დახმარება შეძლო, არამედ თინეიჯერი ქურდი, რომელსაც აქამდე საჭმლის ფული არ ჰქონდა თავისივე ბარში მიიპატიჟა და დაასაქმა კიდეც.