ქუთაისში ტყიბულის შახტაში დაღუპული და დაშავებული მუშების სოლიდარობის აქცია გაიმართა. აქციის მონაწილეებმა ტყიბულის შახტაში არსებული შრომის პირობები გააპროტესტეს.

აქციის მონაწილეების პოზიციით, საქართველოში შრომა უნდა იყოს უსაფრთხო.

ფოტო: ლაშა მესხი

ფოტო: ლაშა მესხი

ფოტო: ლაშა მესხი

ტყიბულის შახტაში მომხდარ უბედურ შემთხვევას 9 მეშახტის სიცოცხლე ემსხვერპლა, დაშავდა 3 ადამიანი.

შსს-ს განცხადებით, გამოძიება სისხლის სამართლის კოდექსის 240-ე მუხლის მეორე ნაწილით მიმდინარეობს, რაც სამთო, სამშენებლო ან სხვა სამუშაოების წარმოებისას უსაფრთხოების წესების დარღვევას გულისხმობს. დანაშაული 5 წლამდე თავისუფლების აღკვეთას ითვალისწინებს.

2018 წლის გასულ სამ თვეში საწარმოო უბედური შემთხვევების შედეგად, ქვეყნის მასშტაბით სამუშაო ადგილზე გარდაიცვალა 18 და მძიმედ დაშავდა 12 ადამიანი.

2017 წელს 41 გარდაიცვალა და 66 მძიმედ დაშავდა. აქედან მხოლოდ ტყიბულის მაღაროებში, გასულ 15 თვეში გარდაიცვალა 11 ადამიანი.