დღეს, 5 აპრილის დიდი ბრიტანეთის პოლიციამ, სოლსბერიში მამასთან ერთად მოწამლული იულია სკრიპალის განცხადება გაავრცელა. ინფორმაციას ამის შესახებ BBC ავრცელებს.

იულია სკრიპალი მამასთან ერთად, 4 მარტს ქალაქ სოლსბერიში ნერვო-პარალეპტიკური ნივთიერებით ნოვიჩიკოთი მოწამლეს. გასულ კვირას გავრცელდა ინფორმაცია, რომ იულია სკრიპალი გონზე მოვიდა და მისი ჯანმრთელობის მდგომარეობა ყოველდღიურად უმჯობესდება.

თავის განცხადებაში იულია სკრიპალმა, მადლობა გადაუხადა ადამიანებს, რომლებმაც მას პირველადი დახმარება გაუწიეს. სკრიპალმა ასევე მადლობა გადაუხადა საავადმყოფოს პერსონალს და ადამიანებს, ვინც მისი და მამისის ბედით დაინტერესდა.

გასულ კვირას რუსეთი სახელმწიფო ტელევიზია "Россия 1-ის მთავარ საინფორმაციო გამოშვებაში, ორი ქალბატონის სატელეფონო საუბარი აჩვენეს. ჟურნალისტის ცნობით, ხმის ჩანაწერი იულია სკრიპალისა და მისი რუსეთში მცხოვრები ნათესავის სატელეფონი საუბარი იყო. ამ ჩანაწერში იულია სკრიპალი საუბრობდა, რომ მისი მდგომარეობა ყოველდღიურად უმჯობესდება და მის სიცოცხლეს საფრთხე აღარ ემუქრება. აღნიშნულ ჩანაწერში იულია სკრიპალმა ასევე ისაუბრა მამის ჯანმრთელობაზე და აღნიშნა, რომ მამასისი ჯანმრთელობა განგაშის საფუძველს არ იძლევა.

ამ ჩანაწერის ავთენტურობა სანდო წყაროების მიერ ჯერჯერობით არ დადგენილა.