რიკი და მორტის შემქმნელებმა მაყურებლებს 1-ლი აპრილისთვის უცნაური სიურპრიზი გაუკეთეს. მათ ახალი 11-წუთიანი სერია, Bushworld Adventures (თავგადასავალი ბუჩქების სამყაროში) გამოუშვეს, რომელმაც საზოგადოებაში ორაზროვნება გამოიწვია. ვიდეოს შინაარსი ასეთია: რიკი და მორტი ავსტრალიაში ე.წ. ბუჩქების განზომილებაში მოგზაურობენ, რათა მწვანე კუბი იპოვონ. სერიალის ოფიციალურმა არხმა ტვიტერზე დაწერა, რომ ვიდეო რეალური სერიის პრომო იყო, რაც, რა თქმა უნდა, პირველი აპრილის ხუმრობა აღმოჩნდა.

სერია ამ ბმულზე შეგიძლიათ ნახოთ.

ფანებმა დაიწუწუნეს, რომ რიკი და მორტის ამ ნაწყვეტიდან აზრი ვერ გამოიტანეს და დაწერიდან მალევე მიხვდნენ, რომ საყვარელმა სერიალმა ისინი კიდევ ერთხელ გააცურა.

შოუს მეოთხე სეზონი ჯერაც არ დამტკიცებულა, რაც კიდევ უფრო მეტ სიმძაფრეს სძენს ამ ბოროტ ხუმრობას. გასულ წელს Adult Swim-მა პირველ აპრილს მესამე სეზონის პირველი სერია გამოუშვა და ამით გაახარა მაყურებლები, წელს კი ფანებს განზრახ ცუდად გაკეთებული სერიით მოუწიათ დაკმაყოფილება.