მადრიდის რეალის მთავარი მწვრთნელი ზინედინ ზიდანი არ გამორიცხავს, რომ ერთ დღესაც იუვენტუსის მწვრთნელი გახდეს. მან ეს ჩემპიონთა ლიგის მეოთხედფინალური მატჩის წინ გააკეთა, რომელშიც მადრიდელები (3 აპრილს) იუვენტუსს ხვდებიან.

"ოდესმე იუვენტუსის მწვრთნელობა? არასოდეს თქვა არასოდეს, მაგრამ ახლა მადრიდში ყოფნით ბედნიერი ვარ", - აღნიშნა ზიდანმა.

მისივე თქმით, მადრიდელებმა 2016-17 წლების ჩემპიონთა ლიგის ფინალი, სადაც მათ ტურინელებს ანგარიშით 4:1 მოუგეს, უნდა დაივიწყონ და ხვალინდელ (დღევანდელ) შეხვედრაზე მოახდინონ ფოკუსირება.

"არ ვაპირებთ იმაზე ვიფიქროთ, თუ რა მოხდა 10 თვის წინ. ჩვენთვის მხოლოდ ისაა მნიშვნელოვანი, თუ რა მოხდება ხვალ".