ბათუმის საზღვაო ნავსადგურის თანამშრომლები აქციას მართავენ. ისინი დაგეგმილ რეორგანიზაციას აპროტესტებენ. პროტესტის ნიშნად შიმშილობს ნავსადგურის 12 თანამშრომელი.

პორტის თანამშრომლების რუსთავი 2-ს ეუბნებიან, რომ კომპანიის ხელმძღვანელობა თანამშრომელთა დიდი რაოდენობით გათავისუფლებას გეგმავს.

"როგორც ყოველთვის ყველაზე გვიან გავიგეთ რა გეგმები აქვთ. რეორგანიზაციას ფირმებში გადანაწილება და პორტიდან გამოყოფა მოყვება. ამის წინააღმდეგები ვართ", - აცხადებენ გაფიცული თანამშრომლები.

აქციის მონაწილეები დირექტორთან მურად ჯუმადილოევთან შეხვედრას ითხოვენ.