მესტიის ცენტრში "მესტიაჭალა ჰეისს" წინააღმდეგ ადგილობრივები აქციას მართავენ. მათ გზა გადაკეტეს და ტექნიკას გავლის საშუალებას არ აძლევენ. ადგილობრივები ამბობენ, რომ გზას მას შემდეგ გაათავისუფლებენ, რაც სამშენებლო ტექნიკა ტერიტორიას დატოვებს.

აქციაზე პროტესტის ნიშნად გზაზე დაწვა რამდენიმე თვის ფეხმძიმე.

"სხვა გზა არ იყო. მე ასე გამოვხატე ჩემი პროტესტი. არ ვაპირებ აქედან ადგომას, სანამ სამშენებლო ტექნიკას არ გაწევენ და სპეცდანიშნულების რაზმებს სვანეთიდან არ გაიყვანენ", - უთხრა რუსთავი 2-ს ფეხმძიმე ქალმა.

როგორც სვანეთი ჰიდროს საინფორმაციო სამსახურის ხელმძღვანელმა, სოფო ნატროშვილმა რუსთავი 2-ს უთხრა, ერთი წელია ჰესი შენდება, თუმცა ადგილობრივებს ამ დრომდე წინააღმდეგობა არ გაუწევიათ:

"მხოლოდ ბოლო პერიოდში კონკრეტულ ჯგუფს გაუჩნდა დამატებითი შეკითხვები, ჩვენ მათთან მუდმივი კომუნიკაცია და შეხვედრები გვაქვს, თუმცა მათ არ სურთ არგუმენტირებული პასუხები".