ანტიკორუფციული სააგენტოს თანამშრომლებმა, სამსახურებრივი უფლებამოსილების ბოროტად გამოყენებისა და სამსახურებრივი სიყალბის ბრალდებით, გარემოსდაცვითი ზედამხედველობის დეპარტამენტის ხუთი თანამშრომელი დააკავეს.

გამოძიებამ ვერსიით, გურიის გარემოსდაცვითი პატრულირებისა და სწრაფი რეაგირების განყოფილების თანამშრომლებს სხვადასხვა კომპანიების წარმომადგენლები დაუკავშირდნენ და შეუთანხმდნენ, რომ ქვიშა-ღორღს ლიცენზიის გარეშე მოიპოვებდნენ.

დაკავებულებს ბრალი ედებათ უმოქმედობასა და ყალბი დოკუმენტების შედგენაში, რის შედეგადაც კომპანიის წარმოადგენლებს დიდი ოდენობით ინერტული მასალის, ქვიშა-ღორღის ლიცენზიის გარეშე მოპოვების საშუალება მისცეს.

დღეს, 29 მარტს გენო ქ. ემზარ ც., მამუკა ა., ირაკლი ხ. და რამაზ კ. ბრალდებულის სახით დააკავეს.

გამოძიება სამსახურებრივი უფლებამოსილების ბოროტად გამოყენების და სამსახურებრივი სიყალბის ფაქტებზე მიმდინარეობს, რაც სასჯელის სახით ითვალისწინებს თავისუფლების აღკვეთას ოთხ წლამდე ვადით.