დანამდვილებით შეიძლება იმის თქმა, რომ ფეისბუქზე ძრომიალის დროს, ერთხელ მაინც გადააწყდებოდით თეთრთმიანი კაცის ფოტოს, რომელიც ღიმილის მიღმა დიდ ტკივილს მალავს. მას ხშირად სხვადასხვა სიტუაციების გასაშარჟებლად იყენებენ.

კაცი, რომელიც ინტერნეტსივრცეში ერთ-ერთ ყველაზე პოპულარულ მიმად იქცა, ჰაროლდია, რომელიც ფეხბურთზე გიჟდება და ინგლისში სწორედ ამ მიზნით ჩავიდა.

Dugout-მა ჰაროლდის გამოჭერა შეძლო და მასზე სიუჟეტიც გააკეთა, სადაც პოპულარული მიმის გმირი საკუთარი თავის შესახებ საინტერესო ამბებს ყვება.

"არაჩვეულებრივი დრო გავატარე ჩემი პირველი, საფეხბურთო ტურით მანჩესტერში, ერთი სული მაქვს შემდეგი როდის იქნება", - ამბობს ჰაროლდი.