ფეისბუქზე გავრცელდა ინფორმაცია იმის შესახებ, რომ კომენტარში "BFF"-ის დაწერით შესაძლებელია თქვენი ანგარიშის დაცულობა შეამოწმოთ. სხვადასხვა გვერდები წერენ, რომ თუკი კომენტარში "BFF"-ს დაწერისას წარწერა გამწვანდება თქვენი ანგარიში დაცულია, გაყვითლების შემთხვევაში კი აუცილებელია პაროლი შეცვალოთ, რადგან შესაძლოა ანგარიში გაგიტეხონ.

ფოტო: On.ge

აღნიშნული ინფორმაცია სიმართლეს არ შეესაბამება!

ბოლო რამდენიმე თვეა ფეისბუქს დაემატა ახალი ფუნქცია. კერძოდ, კომენტარში დაწერისას კონკრეტული სიტყვები ანიმაციებს ქმნის. მათ შორის არის "congratulations", "xoxo," და "BFF" (best friends forever). დაწერის შემდეგ სიტყვები კონკრეტულ ფერს იღებს, მათზე დაკლიკვის შემთხვევაში კი ეკრანზე სხვადასხვანაირი ანიმაციები ჩნდება ბუშტების, გულების ან ფეიერვერკის სახით. თუ ფეისბუქის მომხმარებელი კომენტარში გამწვანებულ BFF-ის დაკლიკავს ეკრანზე, ანიმაციის სახით, ორი ხელის დარტყმას და ფოიერვერკს დაინახავს.

ამ ფაქტთან დაკავშირებით არასწორი ინფორმაციის სწრაფი ტემპით გავრცელება გამოიწვია იმან, რომ ბოლო რამდენიმე დღეა ფეისბუქი სკანდალშია გახვეული მომხმარებელთა პირადი მონაცემების უკანონოდ გამოყენების გამო.

სამომავლო გარკვევლობის თავიდან ასარიდებლად, აუცილებელია იცოდეთ, რომ ფეისბუქს სხვა სიტყვების და აბრევიატურების გაშვება აქვს დაგეგმილი, რომლებიც სხვადასხვა ანიმაციებს გამოიწვევს. მათ შორის იქნება: "rad", "bff", "lmao", "thank you so much".

გაიგეთ მეტი: