გირჩის რელიგიურ ორგანიზაციას, ბიბლიურ თავისუფლებას ერთი წლის თავზე 3 ათასზე მეტი მღვდელმსახური ჰყავს. ორგანიზაცია წინა წელს, მარტში დაარსდა.

ბიბლიურმა თავისუფლებამ, ასევე, ფინანსური ანგარიშიც გამოაქვეყნა. ერთი წლის განმავლობაში შემოწირულობის სახით მათ მიიღეს 28 ათასი ლარი, აქედან 18 ათასი ლარი ფეისბუკის რეკლამას მოხმარდა, ხოლო 3 ათასი საკანცელარიო ნივთების ხარჯებს. დანარჩენი 7 ათასი ლარი ანგარიშზე დევს.

გირჩმა რელიგიური ორგანიზაცია სამხედრო სავალდებულო სამსახურისთის თავის ასარიდებლად დააარსა. სამხედრო ვალდებულებისა და სამხედრო სამსახურის შესახებ საქართველოს კანონის 30-ე "ლ" ქვეპუნქტის მიხედვით, წვევამდელს სამხედრო სამსახურში გაწვევა გადაუვადდება, თუ ის არის მღვდელმსახური ან სწავლობს სასულიერო სასწავლებელში.

აღნიშნული რელიგიური ორგანიზაცია სასულიერო პირებს აკურთხებს და შესაბამის ცნობასაც გასცემს. სასულიერო წოდების მქონე ახალგაზრდები კი შესაბამისი უწყებებისგან სავალდებულო სამხედრო სამსახურის გადავადებას ითხოვენ.

გაიგეთ მეტი: