სტივენ ჰოკინგმა უკანასკნელი სამეცნიერო ნაშრომის საბოლოო ვერსია სიკვდილამდე ორი კვირით ადრე გაუგზავნა ჟურნალს. მასში პარალელური სამყაროს აღმოჩენის თეორიული მეთოდებია აღწერილი.

ჰოკინგი, რომელიც გასულ ოთხშაბათს 76 წლის ასაკში მოკვდა, იმ მათემატიკური ნაშრომის თანაავტორი იყო, რომლის მიზანია, დაამტკიცოს, რომ ჩვენი სამყაროს გარდა, კიდევ მრავალი სამყარო არსებობს.

ნაშრომმა, სახელად "გლუვი გასასვლელი სამუდამო ინფლაციიდან", საბოლოო გადახედვებზე დასტური 4 მარტს, ჰოკინგის სიკვდილამდე 10 დღით ადრე მიიღო.

The Sunday Times-ის მიხედვით, ნაშრომი სულ მალე ერთ-ერთ წამყვან სამეცნიერო ჟურნალში გამოქვეყნდება.

Arxiv.org კორნელის უნივერსიტეტის ვებსაიტია, რომელიც სამეცნიერო ნაშრომებს მათ გამოქვეყნებამდე უთვალთვალებს ხოლმე. ამ საიტზე ნაშრომის ამ წლის მარტის განახლება მოიპოვება.

თითქმის წმინდად თეორიულ ნაშრომში ნათქვამია, რომ მულტივერსის მტკიცებულება ფონურ გამოსხივებაში ჩანს, რომელიც დიდი აფეთქების შემდგომი ნარჩენია. ის დიდი აფეთქებიდან 380 ათას წელიწადით თარიღდება და 1960-იან წლებში შემთხვევით აღმოაჩინეს, რის გამოც არნო პენზიასმა და რობერტ უილსონმა ნობელის პრემია მიიღეს.

გამოსხივების გაზომვა ღრმა კოსმოსში გაშვებულ ზონდებს იმ შემთხვევაში შეეძლებათ, თუ მათ ზუსტად ის სენსორები ექნებათ ბორტზე, რომლებიც მიკროტალღურ ფონზე დასაკვირვებლადაა საჭირო.

ჰოკინგთან ერთად მომუშავე ფიზიკის პროფესორმა, თომას ჰერტოგმა თქვა, რომ ნაშრომის მიზანია, მულტივერსის იდეა შემოწმებად სამეცნიერო ჩარჩოდ გადააქციოს.

ჰერტოგმა ასევე განცახდა, რომ ის ჰოკინგს პირისპირ შეხვდა, რათა ნაშრომის ასატვირთად საბოლოო დასტური მიეღო.

თუ ეს მტკიცებულება იპოვეს, სავარაუდოდ, ამ ნაშრომის უკან მდგომ მეცნიერებს ნობელის პრემიას გადასცემენ.

თუმცა, სამწუხაროდ, ნობელის პრემია მკვდარ ადამიანებს არ გადაეცემათ, ამიტომ ჰოკინგი ვერასოდეს მიიღებს ამ პრიზს.