გლდანში, სახელმწიფო უსაფრთხოების სამსახურის თანამშრომლის კუთვნილი ცეცლსასროლი იარაღით ქალი დაიღუპა. პირველადი ვერსიით, გასროლის მომენტში იარაღი ბავშვს ეჭირა.

ის, რომ იარაღი ნამდვილად სუს-ის თანამშრომელს ეკუთვნის, On.ge-ს უწყებაში დაუდასტურეს.

შინაგან საქმეთა სამინისტროს ცნობით, გამოძიება სისხლის სამართლის კოდექსის 116-ე მუხლით მიმდინარეობს, რაც სიცოცხლის გაუფრთხილებლობით მოსპობას გულისხმობს.