საერთაშორისო გამჭვირვალობა - საქართველოს ინფორმაციით, სასამართლომ შინაგან საქმეთა სამინისტროს თანამშრომლის, კახა ბაღდავაძის გათავისუფლება უკანონოდ მიიჩნია და მისი სამსახურში აღდგენა და განაცდურის სახით 29 380 ლარის ანაზღაურება დაავალა.

ორგანიზაციის განმარტებით, კახა ბაღდავაძე შინაგან საქმეთა სამინისტროს საპატრულო პოლიციის დეპარტამენტში მუშაობდა. 2015 წლის ოქტომბერში კახა ბაღდავაძე დაკავებული თანამდებობიდან რეორგანიზაციის საფუძვლით გათავისუფლდა. თბილისის საქალაქო სასამართლომ ბაღდავაძის გათავისუფლება უკანონოდ და დაუსაბუთებლად მიიჩნია. აღნიშნული გადაწყვეტილება ძალაში დატოვა ასევე სააპელაციო სასამართლომ.