ევროპარლამენტში დეპუტატებმა ევროკომისიის შეთავაზება გაიზიარეს და საქართველოსთვის 45 ევროს გამოყოფას მხარი დაუჭირეს. კენჭისყრა გუშინ, 14 მარტს გაიმართა.

მაკრო-ფინანსური დახმარების პროგრამის ფარგლებში გამოყოფილი ფინანსური რესურსით, საქართველომ 2017-2020 წლებში საგარეო საჭიროებების ნაწილი უნდა დაფაროს. ფინანსური დახმარება შედგება 35 მილიონი ევროს ოდენობის საშუალოვადიანი სესხისაგან და 10 მილიონი ევროს ოდენობის გრანტისგან.

განცხადებაში, რომელიც ევროპარლამენტარმა საჯად კარიმმა გაავრცელა, ასევე ნათქვამია, რომ საქართველოში ისევ არსებობს სუსტი ეკონომიკური გარემო, მათ შორის ფისკალური დეფიციტი და ლარის მკვეთრი გაუფასურება.

2008 წლის ომის შემდეგ ეს კომისიის მესამე წინადადებაა, საქართველოსთვის ფინანსური დახმარების გამოყოფის შესახებ.