შინაგან საქმეთა სამინისტროს განცხადებით, სამართალდამცავებმა 1975 წელს დაბადებული პირი ნარკოტიკული საშუალების უკანონო შეძენა-შენახვის და გასაღების ბრალდებით, ფონიჭალის დასახლებაში დააკავეს.

გამოძიების ვერსიით, ბრალდებული ნარკოტიკულ საშუალებას სისტემატურად ყიდდა. შსს-ს მტკიცებით, სამართალდამცველებმა, დაკავებულის საცხოვრებელი სახლის ჩხრეკისას, 1 შეკვრად დაფასოებული ნარკოტიკული საშუალება ამოიღეს.

გამოძიება განსაკუთრებით ოდენობით ნარკოტიკული საშუალების უკანონო შეძენა-შენახვის და გასაღების ფაქტზე მიმდინარეობს, საქართველოს სსკ-ს 260-ე მუხლის მე-4 და მე-6 ნაწილებით.