Google-მა ცნობილი მწერლის, გაბრიელ გარსია მარკესის დაბადების დღე ფერადი Doodle-თი აღნიშნა. ნამუშევარზე გამოსახულია ქალაქი მაკონდო მარკესის ყველაზე ცნობილი ნაწარმოებიდან "მარტოობის ასი წელიწადი".

დღეს კოლუმბიელი მწერალი 91 წლის გახდებოდა. თავისი წერილის სტილითა და რომანებით, გაბრიელ გარსია მარკესმა მთელ მსოფლიოში გაითქვა სახელი.

მარკესი 1927 წელს კოლუმბიაში, ქალაქ არაკატაკაში დაიბადა. სამხრეთ ამერიკაში მას მოფერებით გაბოს ეძახდნენ. 1982 წელს მწერალი ნობელის ლაურეატიც გახდა, თუმცა მას არა ერთი სხვა ჯილდო აქვს მიღებული.

ფოტო: Google

გაბრიელ გარსია მარკესი ცნობილია არამხატვრული ტექსტების შექმნითაც, რამაც "ახალი ჟურნალისტიკის" მამის წოდებაც მოუტანა.

გაბრიელ გარსია მარკესს არა ერთი ცნობილი ნაწარმოები აქვს დაწერილი. მათ შორის "სიყვარული ჟამიანობის დროს", "პატრიარქის შემოდგომა" და "მარტოობის ასი წელიწადი", რომელიც მსოფლიოს ოცდახუთზე მეტ ენაზეა ნათარგმნი და 50 მილიონზე მეტი წიგნია გაყიდული.

მეოცე საუკუნის ერთ-ერთი ყველაზე დიადი მწერალი 2014 წლის 17 აპრილს გარდაიცვალა.