ამერიკის შეერთებულმა შტატებმა და საქართველომ თავდაცვისა და უსაფრთხოების სფეროში პარტნიორობის გაღრმავების შესახებ მემორანდუმს მოაწერეს ხელი. საქართველოს მთავრობის ადმინისტრაციაში ჩატარებულ ღონისძიებაზე დოკუმენტს ხელი პრემიერმინისტრმა, გიორგი კვირიკაშვილმა და ამერიკის შეერთებული შტატების სახელმწიფო მდივანმა, ჯონ კერიმ მოაწერეს.

დოკუმენტი თავდაცვისა და უსაფრთხოების სფეროში ახალ ჩარჩოს ქმნის და მოიცავს თანამშრომლობის იმ სფეროებს, რომლების მნიშვნელოვანია საქართველოს უსაფრთხოებისა და მისი შეიარაღებული ძალების გრძელვადიანი მდგრადობისთვის.

გარდა ამისა, ჯონ კერის საქართველოში ვიზიტის ფარგლებში ორი ქვეყნის წარმომადგენლებმა საქართველოსა და აშშ-ს შორის საგანმანათლებლო ფულბრაიტის აკადემიური გაცვლითი პროგრამაზე, საოკუპაციო ხაზის მიდამოებში USAID-ის ახალ პროექტსა და წინასაარჩევნო გარემოზეც ისაუბრეს.