გორის უნივერსიტეტში სტუდენტებთან შეხვედრის დროს პრეზიდენტმა, გიორგი მარგვალეაშვილმა განაცხადა, რომ რამდენიმე დღის წინ იუსტიციის საბჭოს მიერ მიღებული გადაწყვეტილებები პოლიტიკური აბსურდის გაგრძელება იყო. საქმე ეხება ზგიერთი მოსამართლის უვადოდ გამწესების საკითხს.

მისივე თქმით, სანამ არ იქნება "გირგვლიანის შესწორებები" შესული ძალაში, როგორც კანონი, მანამდე იუსტიციის საბჭოში მოსამართლეების უვდადოდ გამწესება უნდა შეჩერდეს.

"ამ ვითარებაში "გირგვლიანის შესწორებებით" მე კიდევ ერთხელ მივმართე საქართველოს პარლამენტს, რომ ის რაც ვთქვით გავაკეთოთ. უკვე მერამდენედ რაღაცას ვაანონსებთ და არ ვაკეთებთ. 2012 წლის მერე რამდენჯერ დავაანონსეთ, რომ რაღაცა ნაბიჯები გადაიდგმეოდა. ჩემს ყველა საპარლამენტო გამოსვლაში ამას ვამბობ, რომ გასაკეთებელია. ეს აბსურდი არ შეიძლება გაგრძელდეს. ერთი თვის წინ დავაანონსეთ გირგვლიანის შესწორებები და არაფერი იმის მერე აღარ ხდება. "გირგვლიანის შესწორებებზე" პასუხი იყო იმ მოსამართლეების დამტკიცება, რომელიც ჩვენ ორი დღის წინ ვნახეთ", - განაცხადა მარგველაშვილმა.