ოსური მხარის განცხადებით, საქართველოს მოქალაქემ ცხინვალში, იზოლატორში გადაყვანისას პოლიციელისთვის იარაღის წართმევა სცადა, საპასუხო ძალის გამოყენების შედეგად შეუძლოდ გადხა, კიბეებზე წაიქცა და მოგვიანებით საავადმყოფოში დაიღუპა. მათ მიერ გავრცელებული ინფორმაციით, არჩილ ტატუნაშვილი "ოსების გენოციდში" მონაწილეობაში იყო ეჭვმიტანილი.

საქართველოს სახელწიფო უსაფრთხოების სამსახურის ინფორმაციით, 2018 წლის 22 თებერვალს, ოკუპირებული ცხინვალის წარმომადგენლებმა, საქართველოს მოქალაქეები: არჩილ ტატუნაშვილი, ლევან ქუტაშვილი და იოსებ პავლიაშვილი დააკავეს.

"სახელმწიფო უსაფრთხოების სამსახური ცხელი ხაზის მეშვეობით, დეფაქტო ხელისუფლების და რუსეთის საოკუპაციო ძალების მხრიდან, კატეგორიულად მოითხოვს არჩილ ტატუნაშვილის გარდაცვალების და ყველა ზემო ხსენებული პირის დაკავების შესახებ ზუსტი და ამომწურავი ინფორმაციის მიღებას."

ოსური მხარე ამტკიცებს, რომ საავადმყოფოში ტატუნაშვილს ყველა შესაძლო დახმარება გაუწიეს, თუმცა უშედეგოდ.