ალბათ უკვე იცით, რომ 2 დღის წინ ხაშურიდან გამოპარულ ბიჭს დღეს თბილისის ზოოპარკმა უმასპინძლა.

10 წლის დათოს თბილისის ზოოპარკმა მეგობრობის სიგელი და 1-წლიანი აბონემენტი აჩუქა.

დათოს ზოოპარკის დირექტორი ზურაბ გურიელიძეც შეხვდა და მას თავად დაათვალიერებინა ვოლიერები, შემდეგ კი ცხოველების ზოოპარკში გამოკვების პროცესი და შიდასამზარეულო გააცნო.

როგორც ზოოპარკის დირექტორის ასისტენტმა ხატია ბასილაშვილმა On.ge-ს უთხრა, დათო ყველა კარუსელზე დაჯდა და პატრულის თანამშრომელს, სახელად ანას, რომელმაც ის თბილისში იპოვა, არ შორდებოდა და ხელჩაკიდებული დაჰყვებოდა.

დათო სახლიდან დაუკითხავად გამოიპარა, ხაშურიდან მატარებელს გამოჰყვა და თბილისში ჩამოვიდა, თუმცა ზოოპარკში მისვლა ვერ მოასწრო. ბავშვს თბილისში დააღამდა. ქუჩაში მარტო მიმავალი ბიჭი პატრულის თანამშრომლებმა შეამჩნიეს და გამოელაპარაკნენ.

ფოტო: ხატია ბასილაშვილი / თბილისის ზოოპარკი

ფოტო: ხატია ბასილაშვილი / თბილისის ზოოპარკი

დათო ამბობდა, რომ დიდი ხანია, ზოოპარკის ნახვა უნდოდა და თბილისშიც ამ მიზნით ჩამოვიდა.

ფოტო: ხატია ბასილაშვილი / თბილისის ზოოპარკი

პატრულმა დათო ხაშურში მალევე დააბრუნა.

ფოტო: ხატია ბასილაშვილი / თბილისის ზოოპარკი

"ჩვენ ამ ნაბიჯით ასეთ ქცევას არ ვახალისებთ, უბრალოდ გვინდა მშობლებს მივაწვდინოთ ჩვენი ხმა, რომ გამონახონ დრო, ბავშვები ზოოპარკში წაიყვანონ და ასეთი შემთხვევები აღარ განმეორდეს" - უთხრა On.ge-ს ხატია ბასილაშვილმა.

ფოტო: ხატია ბასილაშვილი / თბილისის ზოოპარკი

ფოტო: ხატია ბასილაშვილი / თბილისის ზოოპარკი

ფოტო: ხატია ბასილაშვილი / თბილისის ზოოპარკი

ფოტო: ხატია ბასილაშვილი / თბილისის ზოოპარკი