რუსეთის საპრეზიდენტო არჩევნების კანდიდატმა, ქსენია სობჩაკმა ვლადიმერ პუტინის კანდიდატურის წამოყენება უზენაეს სასამართლოში გაასაჩივრა. ინფორმაციას BBC-ის რუსული ბიურო ავრცელებს. სარჩელს 16 თებერვალს განიხილავენ, თუმცა იურისტები ამბობენ, რომ მისი დაკმაყოფილების შანსი არ არსებობს.

საჩივარში სობჩაკი აღნიშნავს, რომ მისი იურისტების აზრით, პუტინს არ აქვს არჩევნებში მონაწილეობის უფლება, რადგან საპრეზიდენტო თანამდებობა არაერთხელ ეკავა. ამასთანავე, ქვეყნის სათავეში იყო 1991 წლის 31 დეკემბრიდან 200 წლის 7 მაისამდეც, როდესაც მოვალეობის შემსრულებლი იყო.

სობჩაკი აღნიშნავს, რომ პუტინი დიმიტრი მედვედევს შეუთანხმდა, კერძოდ კი, თანამდებობის დროებითი დათმობის შემდეგ განსაზღვრული დროისთვის მისი უკან დაბრუნება. სობჩაკი ასეთ შეთანხმებას კანონის გვერდის ავლისთვის კანონიერი გზის ბოროტად გამოყენებას უწოდებს.

გაიგეთ მეტი: რა ვიცით რუსეთის საპრეზიდენტო არჩევნების შესახებ - მოკლედ