ის, რომ შენს ფილმებს დიდი შემოსავალი აქვს, არაერთი პრესტიჟული ჯილდოს მფლობელი ხარ და კომერციულადაც ძალიან წარმატებულ რეჟისორად ითვლები, თურმე სულაც არ ყოფილა გადამწყვეტი მაშინ, როდესაც კინოსტუდიებში ახალი პროექტით მისულს უარით გისტუმრებენ და ახალი ფილმის გადაღებაზე თანხმობას ვერ იღებ.

თუ არ გჯერათ, მაშინ კითხეთ მარტინ სკორსეზე, სოფია კოპოლას, დარენ არანოვსკის, კვენტინ ტარანტინოს და სხვა სახელგანთქმულ რეჟისორებს.

წარმოგიდგენთ იმ ტიტულოვანი რეჟისორების ფილმებს, რომლებიც კინოსტუდიებმა დაბლოკეს.

კრისტოფერ ნოლანი - ჰოვარდ ჰიუზის ბიოგრაფია

2002 წელს ნოლანმა მილიარდელ ჰოვარდ ჰიუზის ბიოგრაფიის სცენარი დაწერა. როგორც თავად ამბობს, ეს მის კარიერაში საუკეთესო ნამუშევარი იქნებოდა. რეჟისორს მთავარ როლზე ჯიმ კერი სურდა. ჰოვარდ ჰიუზი ამერიკელი ბიზნესმენი, ინჟინერი, ამერიკული ავიაციის პიონერი, რეჟისორი, კინოპროდიუსერი და 1960-იანებში მსოფლიოში ერთ-ერთი ყველაზე მდიდარი ადამიანი იყო. რა მოხდა? რატომ უთხრა კინოსტუდიამ ნოლანს უარი ფილმზე? ამის მიზეზი მარტინ სკორსეზე გახდა, რომელმაც იმავე წელს, ზუსტად იმავე თემის ფილმზე The Aviator დაიწყო მუშაობა ლეონარდო დიკაპრიოსთან ერთად. საბოლოოდ ნოლანმა ბიოგრაფიული ფილმის გადაღება გადაიფიქრა და ახალ პროექტზე ფიქრობდა, სწორედ ამ დროს დაურეკა პროდიუსერმა ბენჟამინ მალნიკერმა და DC-ისთან და Warner Brothers-თან ერთად ბეტმენის გადაღება შესთავაზა.

კეტრინ ბიგელოუ - ფილმი ჟანა დ'არკზე

კეტრინ ბიგელოუს ძალიან სურდა ჟანა დ'არკზე ფილმის გადაღება, მთავარ როლზე კი კლერ დენსის მიწვევა სურდა. კინოსტუდიასთან შეთანხმება თითქმის მიღწვეული იყო, თუმცა საბოლოოდ მათ პროექტი ლუკ ბესონს ჩააბარეს, რომელმაც როლზე მილა იოვოვიჩი დაამტკიცა.

ტერენს მალიკი - ჩე გევარას ბიოგრაფია

ტერეს მალიკი კუბაზეც კი ჩავიდა იმისთვის, რომ ფილმზე მუშაობის დაწყებამდე ადგილობრივები გამოეკითხა და გაეგო რეალურად ვინ იყო მათთვის ჩე გევარა. საბოლოოდ ეს პროექტი არც ერთმა სტუდიამ დააფინანსა.

კვენტინ ტარანტინო - Killer Crow

როგორც ცნობილია ტარანტინომ ამ სცენარის შესახებ რამდენიმე კინოსტუდიას უამბო. საბოლოოდ რეჟისორს ფილმის გადაღება არავინ დაუფინანსა, ამიტომ დეტალები ამ სცენარიდან Inglourious Basterds-ში გამოიყენა.

სტივენ სოდერბერგი - ლენი რიფენშტალის ბიოგრაფია

სოდერბერგი აპირებდა გადაეღო ბიოგრაფიული ფილმი გერმანელი მოცეკვავის, კინორეჟისორის, მსახიობისა და ფოტოგრაფის, ლენი რიფენშტალის შესახებ. თუმცა კინოსტუდიებმა ჩათვალეს, რომ ფილმი შემოსავლიანი არ იქნებოდა და ამიტომ მას დაფინანსებაზე უარი უთხრეს.

დევიდ ფინჩერი - გრაფიკული ნოველის ადაპტაცია

ფინჩერმა გრაფიკული ნოველის ადაპტაციისთვის $100 მილიონი მოითხოვა, როლზე კი მორგან ფრიმანის დამტკიცება სურდა. საბოლოოდ კინოსტუდიებმა ამხელა ფულის გაღებაზე უარი თქვეს.

სოფია კოპოლა - პატარა ქალთევზა

2014 წელს სოფია კოპოლა პატარა ქალთევზას კინოვერსიის გადაღება სურდა, ფილმზე Universal Pictures-ს უნდა ემუშავა თუმცა იდეა რამდენიმე მიზეზის გამო ვერ შედგა. ერთ-ერთი მთავარი პრობლემა ფინანსები იყო. ამავდროულად, კოპოლას არ სურდა გადაეღო ფილმი ბედნიერი დასასრულით. საბოლოოდ კინოსტუდიამ გადაწყვიტა, რომ ამ პროექტში ფულის ჩადება სარისკო იქნებოდა.

მარტინ სკორსეზე - დინ მარტინის ბიოგრაფია

ჩვენი დროის ერთ-ერთ ყველაზე ტიტულოვან რეჟისორს კინოსტუდიებმა უარი უთხრეს დინ მარტინის შესახებ ბიოგრაფიული ფილმის გადაღებაზე. მიუხედავად იმისა, რომ რეჟისორს სცენარიც დაწერილი ჰქონდა და მთავარი როლის შემსრულებლებიც დაამტკიცა, საბოლოოდ რეჟისორმა ვერც Warner Bros. და ვერც Miramax ვერ დაითანხმა ფილმის დაფინანსებაზე.

დარენ არანოვსკი - Flicker

არანოვსკის სურდა 1991 წელს დაწერილი რომანის ადაპტაცია გადაეღო, თუმცა კინოსტუდიებმა, მათ შორის Universal-მა ფული არ მისცა.

სპაიკ ჯონსი - Harold and the Purple Crayon

სპაიკ ჯონსს სურდა საბავშვო ამერიკული წიგნის ეკრანიზაცია გადაეღო, თუმცა კინოსტუდიებმა მას ბიუჯეტი არ დაუმტკიცეს.

ლინ რემსი - Jane Got A Gun

რემსის ამ ფილმის გადაღება 2013 წელს სურდა. როლებზე ნატალი პორტმანი და ჯუდ ლოუ დაამტკიცა, თუმცა საბოლოოდ კინოსტუდიამ ფილმის რეჟისორად გევინ ოკონერი აირჩია.

გილერმო დელ ტორო - At the Mountains of Madness

2006 წელს გილერმო დელ ტორომ კინოსტუდია Warner Bros.-ს თავისი ახალი პროექტი წარუდგინა. თუმცა სტუდიამ უარი თქვა, რადგან კინოსურათს ძალიან დიდი ბიუჯეტი სჭირდებოდა. ამის შემდეგ, 2010 წელს დელ ტორომ იგივე პროექტი Universal-ს წარუდგინა, სადაც ეწერა, რომ მთავარ როლს ტომ კრუზი შეასრულებდა, აღმასრულებელი პროდიუსერი კი ჯეიმს კამერონი იქნებოდა. საბოლოოდ არც Universal-მა მისცა რეჟისორს ფული. 2012 წელს კი ეკრანზე რიდლი სკოტის Prometheus გამოვიდა, რომელიც როგორც დელ ტორო ამბობს, ძალიან ჰგავდა მის დაბლოკილ პროექტს.

ლარს ფონ ტრიერის 33 წლიანი ექპერიმენტი

თუ ფიქრობთ, რომ რიჩარდ ლინკლეიტერის Boyhood, რომლის გადაღებასაც რეჟისორმა 12 წელი მოანდომა კინოში ერთ-ერთი უდიდესი ექპერიმენტი იყო, ძალიან ცდებით. ლარს ფონ ტრიერს სულ ერთი ნაბიჯი დააკლდა იმისთვის, რომ დაეწყო იმ კინოსურათის გადაღება, რომლის შექმნასაც 33 წელს მოანდომებდა. რეჟისორს სურდა 1991 წლიდან 2024 წლამდე გადაეღო ფილმი - ყოველ წელს 3 წუთი, თუმცა პროექტი ვერ შედგა.

დევიდ ლინჩი - Ronnie Rocket

სადებიუტო ფილმის შემდეგ, ლინჩს სურდა გადაეღო დეტექტივი 80-იან წლებზე. ფილმის უნიკალურობა, რეჟისორის ხედვაში იყო, რომელსაც სურდა იმ დროისათვის უნიკალური გადაღების ტექნიკა დაენერგა. საბოლოოდ პროექტი არც ერთმა სტუდიამ დააფინანსა.