შოტლანდიელ ფერმერს, ბრიუს გრუბს კოტეჯში წვეულება ჰქონდა, როცა საკუთარ ფერმაში ვეფხვი შენიშნა. მან აღელვებულმა დაურეკა პოლიციას.

პოლიცია ადგილზე რამდენიმე მანქანით მივიდა. სამართალდამცავებმა სტრატეგიული ადგილები დაიკავეს. შორიდან ცხოველი ასე მოჩანდა.

მათ ცხოველს ალყა შემოარტყეს და შეტევისთვის მზადება დაიწყეს.


"მართალია, ზარი უცნაური იყო, მაგრამ ჩვენ ვალდებულები ვართ, ყველა შეშფოთებულ მოქალაქეზე ვიზრუნოთ. ზოოპარკშიც კი დავრეკეთ და ვიკითხეთ, ვეფხვი ხომ არ გამოექცათ" - აცხადებენ განყოფილებაში.

ვეფხვი 45 წუთის განმავლობაში არ განძრეულა, რაც ერთ-ერთ პოლიციელს საეჭვო მოეჩვენა. ის ცხოველს მიუახლოვდა და აღმოაჩინა, რომ ამდენი ხნის განმავლობაში სათამაშო ვეფხვი ჰყავდათ ალყაში მოქცეული.

"მოხარულები ვართ, რომ გამოძახება ცრუ აღმოჩნდა", - აღნიშნეს პოლიციაში.