პარლამენტის დეპუტატი ევროპული საქართველოდან, ელენე ხოშტარია On.ge-სთან საუბარში აფასებს იმ ფაქტს, რომ შინაგან საქმეთა სამინისტრო შეუერთდა აქციას #არაჩადებას. ხოშტარიას თქმით, შსს-ს პოზიცია იგივეა, ბიძინა ივანიშვილმა რომ თქვას, არა არაფორმალურ მმართველობასო.

ელენე ხოშტარიას აზრით, შსს-ს ფეისბუკ სტატუსი სასაცილოა, რადგან უწყება უერთდება იმ პროტესტს, რომელზეც პასუხისმგებელი თავადაა.

ხოშტარიას თქმით, შინაგან საქმეთა სამინისტრომ უნდა გადადგას კონკრეტული ნაბიჯები ჩადებების წინააღმდეგ. მაგალითად, დაისაჯონ პოლიციელები, რომლებმაც ბირჟა მაფიას რეპერებს ნარკოტიკი ჩაუდეს.

დღეს, 4 თებერვალს, შინაგან საქმეთა სამინისტროს ფეისბუკის ოფიციალურ გვერდზე წარწერა "არა ჩადებას!" გაჩნდა. უწყების პრესსამსახურში On.ge-ს უთხრეს, რომ ამით აქციას "არა ჩადებას!" შეუერთდნენ.