ძვირფასო თინეიჯერებო: რასაც პორნოში ხედავთ, ნამდვილი სექსი არ არის
ახალი კვლევის თანახმად, ბიჭების 53 პროცენტს სჯერა, რომ აგრესიული სექსი, რომელსაც ისინი პორნოში ხედავენ, ნამდვილია და რეალობაშიც ასეთი ქცევაა საჭირო. ამ სტერეოტიპის ერთ-ერთი მთავარი მიზეზი სექსუალური განათლების არქონაა.
სექსუალური განათლება აუცილებელია, მაგრამ ვინ უნდა ასწავლოს ბავშვებს? მშობლები, სასკოლო სისტემა თუ სულიერი ლიდერები პასუხისმგებლობას არც თავად იღებენ და არც ის იციან ვინ უნდა აიღოს. ამ განათლებას ბავშვები ძირითადად ქუჩაში - თანატოლებისა და ასევე გაუნათლებელი უფროსებისგან იღებენ ან პორნოდან. პორნოგრაფია ყველასთვის ადვილად ხელმისაწვდომია, კარგი გასართობიცაა და თითქოს საგანმანათლებლოც. თუმცა, სამწუხაროდ, პორნოგრაფია მაინცდამაინც ზუსტი მეცნიერება არ არის.
რა თქმა უნდა, სექსუალური აქტი, რომელსაც პორნოგრაფიაში ვხედავთ, ნამდვილია, მაგრამ სცენარი და ქცევები გაზვიადებულია. მაგალითად, გოგოსთვის უკანალზე წამორტყმა და იმის მოთხოვნა, რომ ეს "ძუკნა" დაგემორჩილოთ, ძალიან ცუდი შესავალია რეალურ სექსში.
პორნოგრაფია, ცხადია, ფანტაზიაა, მაგრამ ამ ფანტაზიის საკმაოდ დიდი ნაწილი რეალობად საღდება - მაგალითად, როგორც რეალითი შოუები. ნამდვილი ადამიანები ხელს აწერენ კონტრაქტს, თანხმდებიან მონაწილეობაზე, თანხმდებიან რაზე წამსვლელები არიან და რაზე არა და შემდეგ საკუთარი თავის გაზვიადებულ ვერსიას გვთავაზობენ ეკრანზე. მიუხედავად იმისა, რომ რეალითი შოუების უდიდესი ნაწილი დადგმული და წინასწარ გაწერილია, შესაბამისად, არც ისე რეალურია, ისინი მაინც დიდ დებატებს იწვევს მაყურებელში. იგივე ხდება პორნოგრაფიის შემთხვევაშიც. რაც არასრულწლოვან მაყურებელს გონებას ურევს და სტერეოტიპებს უყალიბებს (აქვე უნდა აღნიშნოს, რომ კანონის მიხედვით, თინეჯერებს არ აქვთ უფლება უყურონ პორნოგრაფიას). კონტენტზე +18 ნიშნის დადება თინეიჯერებს სულაც არ უქრობს იმის სურვილს რომ შევიდნენ და ეს მასალა ნახონ, პირიქით, შეიძლება უფრო დიდი ინტერესიც კი გამოიწვიოს.
ტექნოლოგია და განათლების სისტემა ყოველდღიურად ერწყმის ერთმანეთს, ბავშვებს ინტერნეტთნ შეუზღუდავი წვდომა აქვთ. მათ უჩნდებათ კითხვები, რომლებზეც პასუხს ვერ იღებენ და შესაბამისად, ინფორმაციას ინტერნეტში ეძებენ. ბუნებრივია, რომ გარდატეხის ასაკში მყოფ ადამიანებს სექსის შესახებ ბევრი კითხვა აქვთ, ხოლო მათთვის ამ ინფორმაციის მიწოდებით თავს არავინ იწუხებს და უფრო მეტიც, საზოგადოება გაურბის ამ პასუხისმგებლობას.
აშშ-ში ჩატარებული ბოლო კვლევის თანახმად, თინეიჯერი ბიჭების 53 პროცენტს და თინეიჯერი გოგოების 39 პროცენტს, სჯერა, რომ რასაც პორნოში უყურებენ ეს ნამდვილია და ყოველდღიურ ურთიერთობებშიც ასე ხდება.
"ჩემი რამდენიმე მეგობარი პორნოს სახელმძღვანელოდ იყენებს და ამის გამო ურთიერთობების შესახებ მცდარი წარმოდგენა აქვთ ჩამოყალიბებული". განაცხადა კვლევაში მონაწილე 13 წლის გოგონამ.
კვლევის კიდევ ერთი თინეიჯერი მონაწილე ამბობს, რომ პორნო სექსისა და სხეულის შესახებ არარეალისტურ წარმოდგენებს აყალიბებს და გოგოებს კომპლექსები უვითარდებათ:
"ბევრი ჩვენგანი წუხს, რომ არ აქვს ისეთი ლამაზი და განვითარებული სხეული, როგორსაც ინტერნეტში ვხედავთ."
გოგოებისგან განსხვავებით, რომლებიც პორნოგრაფიის გავლენით შეწუხებულები არიან, ბიჭები ამ ყველაფერს სახელმძღვანელო რესურსად იყენებენ.
"ჩემი ერთი მეგობარი ზუსტად ისე ექცევა გოგოებს, როგორც ვიდეოებში ხედავს. დიდი არაფერი, ხანდახან წამოარტყამს ხოლმე". ამბობს კვლევის მონაწილე 13 წლის ბიჭი.
თინეიჯერებს მოზღვავებული ჰორმონები აქვთ, უჩნდებათ სექსუალური მოთხოვნილებები და იგნორირების ნაცვლად საჭიროა ამ საკითხში მათი განათლება და ნორმალური ინფორმაციის მიწოდება.
"პირადად მე სექსი პორნოდან ვისწავლე", გვეუბნება რაიან დრილერი, ამერიკელი პორნო მსახიობი. "ჩემს დროს სექსუალური განათლების კლასი ორად იყო გაყოფილი, ბიჭები ერთ ოთახში ვისხედით და გოგოები - მეორეში. სასქესო ორგანოების ნახატებს გვაჩვენებდნენ და მხოლოდ ბიოლოგიური პროცესის კონტექსტში გვასწავლიდნენ. სექსის აზრს ბოლომდე იქამდე ვერ ჩავწვდი, ვიდრე პორნოგრაფია არ ვნახე". თუმცა, რაიანი აღნიშნავს, რომ მაშინ თვითონაც მიხვდა, რომ ზოგიერთი ქცევა, ტონი და საქციელი რეალობაში მისაღები არ იქნებოდა და არც თვითონ გრძნობდა თავს კომფორტულად ასე მოქცევისას.
პორნო მსახიობ სარა ვანდელას სექსუალური განათლების კლასები სკოლაში არ ჰქონია, მაგრამ ინფორმაცია მაინც მოიპოვა:
"მე ვთვლი, რომ არასწორი და არაჯანსაღია, როცა 13 წლის გოგო სექსის შესახებ პორნოდან იგებს".
პორნოგრაფიაში ყველა უხერხული და არაკომფორტული პოზა ისეა წარმოჩენილი, თითქოს ძალიან სასიამოვნო და ადვილია. მწარმოებლები ყოველთვის გვაფრთხილებენ სექსუალური გზით გადამდები დაავადებებისა და მაყურებლის წლოვანების გათვალისწინების შესახებ, მაგრამ არასოდეს ამბობენ, რომ ის "ტრიუკები" რასაც ვიდეოებში ვხედავთ, შესასრულებელად შეუძლებელია და მთლიანად დადგმულია.
"აი, როგორც სხვადასხვა ტრიუკების ვიდეოების ბოლოში ეწერება ხოლმე, რომ ეს ყველაფერი პროფესიონალმა და სპეციალურად მომზადებულმა ადამიანებმა გააკეთეს და სახლში იგივე არ სცადოთო, ასეთივე გაფრთხილება უნდა იყოს პორნოგრაფიულ ვიდეოებზეც", ამბობს სანი ლეინი, ცნობილი პორნო ვარსკვლავი.
პორნოგრაფია წარმოდგენებს მხოლოდ თინეიჯერ ბიჭებს არ ურევს, სტერეოტიპების მსხვერპლები ზრდასრული მამაკაცებიც ხდებიან. პრობლემის ერთ-ერთი წყარო შეიძლება ესეც არის. თუ რეალობისა და ფანტაზიის გარჩევა ზრდასრულებსაც არ შეუძლიათ, როგორ უნდა ასწავლონ მათ რამე თავიანთ შვილებს?
მსახიობი კარმენ ვალენტინა ამბობს, რომ ზრდასრულ ფანებს სჯერათ, რომ რასაც ხედავენ ყველაფერი ნამდვილია, მსახიობებს კი, თავიანთი ფანების შენარჩუნება უნდათ და ამიტომ განაგრძობენ ექსტრემალურად თამაშს:
"მაყურებელი ვერც ხვდება, რომ იმ გოგოების ნახევარზე მეტი, რომლებიც რაღაც ექსტრემალურ პოზებში თამაშობენ, ვერ იტანენ ასეთ სცენარებსა და სცენებს, მაგრამ ჩვენ ყველას გვინდა, რომ ფანები კმაყოფილები იყვნენ და ამიტომ ისე ვთამაშობთ, რომ მათ ჰგონიათ, რომ ძალიან მოგვწონს ეს ყველაფერი."
პორნოგრაფიაში მთავარი არა კომფორტი და სიამოვნება, არამედ მაყურებელია - რომელიც უნდა გაერთოს. XXX კონტენტი უფრო შოკის ეფექტებს შეიცავს, ვიდრე რომანტიკას.
სოციოლოგი დოქტორი შონთელ ტიბალსი ამბობს, რომ რამდენიც არ უნდა ვეცადოთ, ბავშვებს ინტერნეტთან და ინფორმაციასთან წვდომას ვერ შევუზღუდავთ. ამიტომ საჭიროა მათ ჩვენვე მივაწოდოთ ნორმალური და დალაგებული ინფორმაცია.
-
გადახედვაატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს ატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს
-
გადახედვავცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო ვცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო
-
გადახედვამეცნიერებმა ალმასი სულ რაღაც 150 წუთში შექმნეს მეცნიერებმა ალმასი სულ რაღაც 150 წუთში შექმნეს
-
გადახედვაLIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა LIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა
-
გადახედვა126 სამოქალაქო და მედიაორგანიზაცია ხელისუფლებასთან თანამშრომლობას წყვეტს 126 სამოქალაქო და მედიაორგანიზაცია ხელისუფლებასთან თანამშრომლობას წყვეტს
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
-
გადახედვაშსს-მ დააკავა პირი, რომელმაც გარდაბანში თანასოფლელი მოკლა შსს-მ დააკავა პირი, რომელმაც გარდაბანში თანასოფლელი მოკლა
-
გადახედვამანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა მანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა
-
გადახედვასანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო სანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო
-
გადახედვანიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს ნიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს
-
გადახედვათვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა თვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვავენეციაში შესასვლელად €5 უნდა გადაიხადოთ ვენეციაში შესასვლელად €5 უნდა გადაიხადოთ
-
გადახედვადააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს დააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
კომენტარები