ჯადოსნური ცხოველების მეორე ნაწილის მოახლოებასთან ერთად პოტერჰედებში მღელვარება მატულობს. ახლახან გავრცელებულმა ინფორმაციამ კი ისინი გულწრფელად აღაშფოთა.

EW-სთან ინტერვიუში პროდიუსერმა დევიდ ეიტსმა ბუნდოვანი განცხადება გააკეთა იმასთან დაკავშირებით, გამოჩნდება თუ არა ფილმში დამბლდორის და გრინდევალდის სასიყვარულო ისტორია. იეტსის თქმით, დამბლდორის ორიენტაციაზე ფილმში აქცენტი არ გაკეთდება.

"ღიად ეს ფაქტი არ დაფიქსირდება. მგონი, ფანებმა ისედაც იციან, რომ დამბლდორსა და გრინდევალდს ახალგაზრდობაში მღელვარე ურთიერთობა ჰქონდათ. მათ შეუყვარდათ ერთმანეთის აზრები და ერთმანეთიც"

ეიტსის პასუხმა ფანები გააღიზიანა. რამდენიმე წლის წინ პოტერჰედებს როულინგმა გაუმხილა, რომ დამბლდორი ახალგაზრდობაში გერელდ გრინდევალდზე იყო შეყვარებული. ვინაიდან ფილმის ამ ნაწილში, მოქმედება სწორედ გრინდევალდის ირგვლივ ვითარდება, ყველა ელოდა მათ სასიყვარულო ისტორიას, იეტსის პასუხის შემდეგ კი ტვიტერზე ომი დაიწყო:

"ამ ინტერვიუს გარეშეც ვიცოდით, რომ დამბლდორის ორიენტაციას არ გამოჩენდნენ. როულნგმა მხოლოდ შვიდი წიგნის დაწერის შემდეგ გვიამბო ალბუსის ორიენტაციაზე."

"მაშინ, როცა Moonlight-მა წინა წლის საუკეთესო ფილმის ტიტული მიიღო და ამდენი ფილმი გამოვიდა ლგბტ თემაზე, როგორ მოხდა, რომ მნიშვნელოვან ფილმში ისევ არ აფიქსირებენ პერსონაჟის ორიენტაციას ღიად?"

"ფილმის შემქმნელების მხრიდან ეს ძალიან უცნაური გადაწყვეტილებაა მაშინ, როცა სახელი გრინდევალდის დანაშაულებებია და აქცენტი დამბლდორზე კეთდება. თან მაშინ, როცა როულინგმა თავადაც გვიამბო მათი სიყვარულის ისტორია, დავიდ ეიტსი ფიქრობს, რომ ფანებმა ისედაც ყველაფერი იციან და ამ თემის გაშლა საჭირო აღარაა".

"თუ არ აპირებთ ახალგაზრდა დამბლდორის სექსუალური ორიენტაციის ღიად დაფიქსირებას ჯადოსნურ ცხოველებში, მაშინ საერთოდ რა საჭიროა ეს ფილმები?"

"მე, როცა გავიგე, რომ დამბლდორის ორიენტაცია არ გამოჩნდება ჯადოსნურ ცხოველებში, მხოლოდ იმიტომ რომ გრინდევალდი და დამბლდორი ერთმანეთის იდეებზე იყვნენ შეყვარებული"

"ვერ ვხვდები, როგორ აპირებთ გვიამბოთ ისტორია გრინდევალდზე დამბლდორისთვის გვერდის ავლით"

ფანების უკმაყოფილება გასაკვირი არ არის, რადგან როულინგის მიერ შექმნილი სამყარო განსხვავებულის პატივისცემას და სიყვარულს ეფუძნება. თუმცა ამჯერად როულინგი ფანების კრიტიკას არ იზიარებს:

"იმ ინტერვიუზე გაბრაზება, რომელშიც მონაწილეობაც კი არ მიმიღია, უსამართლობაა. ვინც გაბრაზდა, იმათგან არავის წაუკითხავს ფილმის სცენარი. გარდა ამისა, შეგახსენებთ, რომ საუბარია 5-ფილმიან სერიაზე, რომლიდანაც ჯერჯერობით მხოლოდ ერთია გამოსული"