ილია მეორის გადაწყვეტილებით, პროფესორი სერგო ვარდოსანიძე საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის რექტორის თანამდებობაზე უვადოდ დაინიშნა. ამის შესახებ ინფორმაციას ვარდოსანიძე ფეისბუკზე ავრცელებს:

"2018 წლის 31 იანვარს სრულიად საქართველოს კათოლიკოს-პატრიარქის უწმიდესი და უნეტარესი ილია მეორის გადაწყვეტილებით დამტკიცდა საქართველოს საპატრიარქოს წმინდა ანდრია პირველწოდებულის სახელობის ქართული უნივერსიტეტის ახალი წესდება, ახალი წესდების თახმად გაუქმდა უნივერსიტეტის სამეთვალყურეო საბჭო. აქედან გამომდინარე სრულიად საქართველოს კათოლიკოს-პატრიარქის 2018 წლის N6 ბრძანების თანახმად პროფესორი სერგო ვარდოსანიძე საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის რექტორის თანამდებობაზე დაინიშნოს უვადოდ".