საპროტესტო აქციისას დაკავებული რუსი ოპოზიციონერი ალექსეი ნავალნი გაათავისუფლეს. ამის შესახებ მან მხარდამჭერებს ტვიტერის საშუალებით აცნობა.

ნავალნის სასამართლო პროცესამდე გაათავისუფლეს. მისი განცხადებით დაკავებისას ჩამოართვეს ტელეფონი და ამ დრომდე არ უბრუნებენ.

ნავალნი 28 იანვარს "ამომრჩეველთა ბოიკოტის" აქციაზე დააპატიმრეს. მანამდე აქციებზე დაახლოებით 90 ადამიანი დააკავეს.

28 იანვარს რუსეთის სხვადასხვა ქალაქებში "ამომრჩეველთა ბოიკოტის" აქციები მიმდინარეობდა. დემონსტრაციები ალექსეი ნავალნიმ დეკემბრის ბოლოს დააანონსა, როდესაც რუსეთის ცენტრალურმა საარჩევნო კომისიამ საპრეზიდენტო არჩევნებზე არ დაარეგისტრირა.