მოსკოვში რუსი ოპოზიციონერი პოლიტიკოსი ალექსეი ნავალნი დააკავეს. დაკავებისას ნავალნი "ამომრჩეველთა ბოიკოტის" აქციაზე იმყოფებოდა.

"მე დამაკავეს, თუმცა ამას მნიშვნელობა არ აქვს. გაიარეთ ტვერსკაიას ქუჩა. ჩემს გამო კი არა, თქვენი მომავლის გამო გამოდიხართ," - წერს ნავალნი ტვიტერზე.

მანამდე აქციებზე დაახლოებით 90 ადამიანი დააკავეს.

დღეს, 28 იანვარს რუსეთის სხვადასხვა ქალაქებში "ამომრჩეველთა ბოიკოტის" აქციები მიმდინარეობს. დემონსტრაციები ალექსეი ნავალნიმ დეკემბრის ბოლოს დააანონსა, როდესაც რუსეთის ცენტრალურმა საარჩევნო კომისიამ საპრეზიდენტო არჩევნებზე არ დაარეგისტრირა.