ფეხბურთის 2018 წლის მსოფლიო ჩემპიონატზე დასასწრებად უცხოელ გულშემატკივრებს რუსეთში უვიზოდ გამგზავრება შეეძლებათ. შესაბამისად, მსგავსი დაშვებით საქართველოს მოქალაქეებსაც შეუძლიათ ისარგებლონ. ამის შესახებ ინფორმაცია გულშემატკივრებისთვის შექმნილ სპეციალურ ვებგვერდზე, welcome2018.com-ზე ვრცელდება.

რუსეთში შესვლისთვის მხოლოდ მატჩის ბილეთი და ე.წ. გულშემატკივრის პასპორტია (FAN ID) საჭირო. გულშემატკივრის პასპორტის მიღება შესაძლებელია როგორც ოფიციალურ ვებგვერდზე, ისე რუსეთის ქალაქებში სპეციალურად გახსნილ ცენტრებში.