თბილისის სააპელცაი სასამართლომ მუსტაფა ემრე ჩაბუქისთვის ლტოლივილის სტატუსზე სამინისტროს უარი ძალაში დატოვა. ჩაბუქის ადვოკატის, სოსო ბარათაშვილის თქმით, ისინი ევროპის ადამიანის უფლებათა ევროპულ სასამართლოს მიმართავენ.

"იმ შემთხვევაში, თუ დაიწყება საექსტრადიციო პროცედურები სასამართლოს მეშვეობით და სასამართლო მიიღებს გადაწყვეტილებას, იუსტიციის მინისტრს დაერთოს ნება, ექსტრადიციის თაობაზე განკარგულების გამოცემის თაობაზე, ბუნებრივია, მივმართავთ ადამიანის უფლებათა ევროპულ სასამართლოს ექსტრადიციის პროცედურების შეჩერებაზე".

ბარათაშვილის თქმით, სასამართლოს მიერ მიღებული გადაწყვეტლება პოლიტიზირებულია.

მუსტაფა ემრე ჩაბუქი თურქეთის მხარის მოთხოვნით საქართველოში 24 მაისს დააკავეს. 7 ივლისს ცნობილი გახდა, რომ საქართველომ ჩაბუქს ლტოლვილის სტატუსის მინიჭებაზე უარი უთხრა. ლტოლვილის სტატუსი მიღების შემთხვევაში მისი თურქეთში ექსტრადიცია აღარ მოხდებოდა.

23 აგვისტოს კი თბილისის საქალაქო სასამართლომ მუსტაფა ჩაბუქს წინასაექსტრადიციო პატიმრობა შეუფარდა. პატიმრობის ვადა მას 23 თებერვალს ეწურება.