დაიან ბრენდონი გარდაცვალებამდე 10 გველთან და 12 ტარანტულისთან ერთად ცხოვრობდა და მას თავის შინაურ ცხოველებზე პასუხისმგევლობა ჰქონდა აღებული.

ექსპერტიზის დასკვნით, ეგზოტიკური ცხოველების მოყვარული ასფიქსიისგან დაიღუპა, სიკვდილის მიზეზი კი მისი 2,4 მეტრის სიგრძის აფრიკული პითონია, რომელიც პატრონს კისერზე და სახეზე შემოეხვია.

31 წლის ბრენდონის გვამი დედამ მის საძინებელში აღმოაჩინა, პითონი, სახელად თინი, კი მის გვერდზე მშვიდად დასრიალებდა.

დედა ფიქრობს, რომ პითონი მის შვილს განზრახ არ მოკლავდა:

"ის ხანდახან სისინებდა და თავდასხმის პოზას იღებდა, თუმცა ეს უფრო თამაში იყო. ბრენდონი ამბობდა, "კარგი რა, თინი". ან დამირეკავდა და მეტყოდა "დედა, მოდი, უნდა ნახო, დღეს როგორ კარგად იქცევა". არ მგონია, რომ თინი ოდესმე მას დაესხმებოდა თავს".

ის ასევე იხსენებს, რომ მას შემდეგ, რაც პითონი გაიზარდა, მისი შვილი კისერზე აღარ ისვამდა. ბრენდონი 15 წლიდან უვლიდა გველებს, ამაში ხანდახან კი დედაც ეხმარებოდა.

"როცა ბრენდონმა თინი მოიყვანა, ის ისეთი პატარა იყო, რომ ხელზე ისვამდა. მას ბრენდონი ძალიან უყვარდა. თუ ჩემ შვილთან ოთახში შევიდოდი, ის მომსდევდა, რადგან ეჭვიანობდა და მაიძულებდა, არ შემეწუხებინა".

ექსპერტის თქმით, ბრენდონი თინის მხრიდან აგრესიულ ქცევას არ მოუკლავს. ის ფიქრობს, რომ პითონი პატრონს შემოეხვია, მერე კი, ბრენდონის რეაქციიდან გამომდინარე, მეტისმეტად მჭიდროდ მიეკრო, რამაც სიკვდილი გამოიწვია.