რუსთავი 2-ის წარმომადგენლები BBG Watch-ში გამოქვეყნებულ სტატიას ეხმაურებიან და აცხადებენ, რომ რადიო თავისუფლებასთან ბოლო კომუნიკაცია შარშან ჰქონდათ.

გენერალური დირექტორის მოადგილის ნინო ნაკაშიძის განცხადებით, რადიო თავისუფლებასთან ბოლო კომუნიკაცია მაშინ ჰქონდათ, როდესაც გამოცემა საზოგადოებრივ მაუწყებელზე დახურული გადაცემების გასაშვებად სხვა ტელევიზიას ეძებდა, თუმცა, მათ შორის თანამშრომლობა არ შედგა.

ნიკა გვარამიას მიიჩნევს, რომ რადიო თავისუფლებისა და რუსთავი 2-ის დაკავშირება ტელევიზიის დისკრედიტაციას და მისი მიკერძოებულობის მტკიცებას უკავშირდება, რაც სტრასბურგის სასამართლოში მოახლოებული გადაწყვეტილების წინ ხელისუფლების ინტერესში შედის.

რუსთავი 2 დამატებითი ინფორმაციის მიღებას ოფიციალური წერილით შეეცდება.

როგორც BBG Watch წერს, ვაშინგტონსა და თბილისში მრავალ წყაროზე დაყრდნობით გაიგეს, რომ რადიო თავისუფლების სათაო ოფისის მენეჯმენტი ქართული ბიუროს რუსთავი 2-თან თანამშრომლობას მოითხოვს.

გამოცემის თქმით, ქართული ბიურო კატეგორიულად ეწინააღმდეგება მსგავს გაერთიანებას, რადგან, მათი აზრით, ამით რადიო თავისუფლების მიმართ ნდობა გაქრება. ასევე, აღნიშნულია, რომ რუსთავი 2 ექს-პრეზიდენტის, მიხელ სააკაშვილისა და ნაციონალური მოძრაობის გავლენის ქვეშ მყოფ ტელეკომპანიად ასოცირდება.

On.ge ცდილობს დაუკავშირდეს რადიო თავისუფლების ქართულ ბიუროს, რათა გაარკვიოს სათაო ოფისის მხრიდან არსებობდა თუ არა ზეწოლა