ქუთაისის საქალაქო სასამართლომ ქუთაისის ნომერ მეორე სასჯელაღსრულების დაწესებულებაში დირექტორის მხრიდან პატიმრის მიმართ სექსუალური ორიენტაციის საფუძველზე დისკრიმინაცია დაადგინა.

თანასწორობის მოძრაობის ცნობით, დირექტორის ბრძანებით პატიმარს აეკრძალა სამეურნეო ნაწილში მუშაობა, ვინაიდან სხვა პატიმრები ამას ჰომოფობიური საფუძვლით ითხოვდნენ.

ადვოკატის, ნინო ბოლქვაძის ინფორმაციით, სამინისტრომ გადაწყვეტილება უზენაეს სასამართლოში გაასაჩივრა და ამტკიცებდა, რომ პატიმრის უფლებების შეზღუდვა, პატიმრების სეგრეგაცია ე.წ. საქათმეებში, მისივე უსაფრთხოებისთვის ხდებოდა.

უზენაესმა სასამართლომ დაუშვებლად სცნო სასჯელაღსრულებისა და პრობაციის სამინისტროს საკასაციო საჩივარი, რომლითაც სამინისტრო ქუთაისის სააპელაციო სასამართლოს გადაწყვეტილების გაუქმებას ითხოვდა.