ლეგენდარული ამერიკელმა მსახიობმა ჯეინ ფონდამ სიმსივნე უკვე მეორედ დაამარცხა.

ფონდა თავის კოლეგასთან და მეგობართან, ლილი ტომლინთან ერთად ინტერვიუზე იმყოფებოდა და ნეტფლიქსის ერთობლივი შოუს ახალი სეზონის გარდა, იმის ახსნაც მოუწია, თუ რატომ იმყოფებოდა სტუდიაში ტუჩზე დაკრული სამედიცინო პლასტირით.

"მინდა ავხსნა თუ რატომ მაქვს პლასტირი: ცოტა ხნის წინ სიმსივნე ამომაჭრეს. მეგონა აქ მოსვლამდე ჭრილობა შემიხორცდებოდა, მაგრამ სიმართლე გითხრათ საერთოდ არ ვწუხვარ, სავსებით ნორმალურია როცა ოპერაციის შემდეგ იდეალურად არ გამოიყურები", - თქვა ფონდამ.

ჯერ კიდევ 2010 წელს ფონდას ძუძუს კიბო დაუდგინეს, თუმცა ხანგრძლივი მკურნალობის კურსის გავლის შემდეგ მან დაავადება დაამარცხა.