საქართველოსა და გერმანიის საგარეო საქმეთა მინისტრების ერთობლივ ბრიფინგზე მიხეილ ჯანელიძემ გერმანიის წვლილზე ისაუბრა, საქართველოს ევროკავშირთან ურთიერთობის გამყარების პროცესში:

"ჩვენ დღეს ძალიან მნიშვნელოვანი დღე აღვნიშნეთ ერთად პირველი ივლისი, როდესაც ძალაში შევიდა და ამოქმედდა ასოცირების შეთანხმება საქართველოსა და ევროკავშირს შორის."

მისი განცხადებით, საქართველოს თითოეული მოქალაქე გრძნობს ქვეყნის ინსტიტუციურ, ეკონომიკურ და პოლიტიკურ დაახლოებას ევროკავშირის ქვეყნებთან.

ორ ქვეყანას შორის ურთიერთობის გამყარებაზე ისაუბრა ფრანკ-ვალტერ შტაინმაიერმაც და განაცხადა რომ მომავალი 2017 წელი საქართველო-გერმანიის მეგობრობის წელი იქნება, რაც ურთიერთობის გამყარებას კიდევ უფრო შეუწყობს ხელს.