ჩრდილოეთ კორეისა და ამერიკის შეერთებული შტატების დაპირისპირებამ ბოლო პერიოდში განსაკუთრებულად პერსონალიზებული ხასიათი მიიღო. რამდენიმე დღის წინ ჩრილოეთ კორეის ლიდერმა თქვა, რომ ატომური ბომბის იარაღის ღილაკი მუდამ მის მაგიდაზე დევს.

მიუხედავად კიმ ჩენ ინის რეჟიმის მტკიცებისა, რომ ის ატომურ იარაღს ფლობს, საერთაშორისო საზოგადოებამ ჯერჯერობით, ამის შესახებ ზუსტად არაფერი იცის.

კიმ ჩენ ინის მუქარას ტვიტერის საშუალებით, ასევე მუქარით, მალევე უპასუხა აშშ-ს პრეზიდენტმა:

"ჩრდილოეთ კორეის ლიდერმა თქვა, რომ ბირთვული იარაღის ღილაკი მუდამ მის მაგიდაზეა. იქნებ ვინმემ, მისი დამშეული და გამოფიტული რეჟიმიდან, უთხრას მას, რომ მეც მაქვს ატომური იარაღის ღილაკი. ჩემი უფრო დიდი და ძლიერია, ვიდრე მისი, თან მუშაა".

ჩრდილოეთ კორეის საკითხი 2017 წელს განსაკუთრებით გამწვავდა, რადგან კიმ ჩენ ინმა არაერთი ბალისტიკური რაკეტა გამოსცადა, რომელსაც ატომური იარაღის რამდენიმე ათას კილომეტრზე წაღება შეუძლია.