მოქალაქეთა ნაწილმა გადაწყვიტა, პოეტ ზვიად რატიანის მხარდასაჭერად, რომელიც თბილისის საქალაქო სასამარლომ ორი ათასი ლარით დააჯარიმა, ფული შეაგროვოს.

;

"ზვიადმა არ უნდა გადაიხადოს იმიტომ, რომ მას კი არ მოუგეს პროცესი, ჩვენ ყველას მოგვიგეს, ყველაზე იძალადეს", – წერს მწვანე ალტერნატივის პროგრამის კოორდინატორი ირაკლი მაჭარაშვილი ფეისბუკზე.

ზვიად რატიანი სამართალდამცავებმა რამდენიმე დღის წინ თბილისში, რეიდისას დააკავეს, რა დროსაც, რატიანის თქმით, პოლიციელებმა მასზე ფიზიკურად იძალადეს. თავის მხრივ, შსს ამტკიცებს, რომ რატიანმა პოლიციელებს სიტყვიერი შეურაცხყოფა მიაყენა.

თბილისის საქალაქო სასამართლომ ზვიად რატიანი 29 დეკემბერს სამართალდამრღვევად სცნო სამართალდამცველებისთვის წინააღმდეგობის გაწევასა და წვრილმან ხულიგნობაში. სწორედ ამ სამართალდარღვევისთვის დაეკისრა მას ორი ათასი ლარის გადახდა. მოსამართლის თქმით, ახალი წელი რომ არ იყოს, ის რატიანს დააპატიმრებდა.

მოქალაქეებს რატიანისთვის მხარდასაჭერად თანხის გადარიცხვა შეუძლიათ შემდეგ ანგარიშზე:

TBC BANK

  • ანგარიშის ნომერი: GE16TB7727145061100033
  • მიმღები: მარიამ სამადაშვილი