კულტურის სამინისტროში, მინისტრისა მწერლების მიმდინარე შეხვედრაზე შს მინისტრი გიორგი გახარია მივიდა. ამის შესახებ On.ge-ს ინფორმაცია ლიტერატურის მენეჯერმა, მაშო სამადაშვილმა დაუდასტურა, რომელიც შეხვედრის მონაწილეა.

სამადაშვილის თქმით, გახარიას მისვლა მოულოდნელი იყო. მისივე თქმით, მინისტრი დიდი ხანია ზვიად რატიანის საქმეზე ლაპარაკობს და ამბობს, რომ მწერლებთან დამეგობრება უნდა:

"ასეთი რამ ახსენა, რომ სასამართლოში 10-0 წააგო ზვიად რატიანმა და რაღაცნაირად უნდა, რომ ურთიერთობები დაალაგოს. თუმცა უცნაურია, ამ ფორმით რატომ მოვიდა ამ შეხვედრაზე."

სამადაშვილის თქმით, შეხვედრის მიზანი ფრანკფურტის წიგნის ბაზრობის საკითხის განხილვა იყო, თუმცა საუბარი სხვა მიმართულებით წავიდა.

"გვითხრა, რომ ორი საქმე მიმდინარეობს, ზვიად რატიანის მიმართ და სამართალდამცავების მხრიდან ძალის შესაძლო გადამეტებაზე. ჩვენ მოვითხოვეთ ყველა დამნაშავის დასჯა, ვინც საქმეში არის გარეული."