მოსკოვში "სლავური ბულვარის" მეტროსადგურთან, ავტობუსი მიწისქვეშა გადასასვლელში შევარდა. როგორც BBC წერს, გარდაცვლილია 5 ადამიანი, 11 კი დაშავებული. ორი დაშავებულის მდგომარეობა მძიმეა.

დაშავებულებისა და გარდაცვლილების შესახებ სხვადასხვა ვერსიას ავრცელებენ მოსკოვის პოლიცია და მოსკოვის ჯანდაცვის დეპარტამენტი. პოლიცია ამბობს, რომ დაღუპულია ხუთი, ხოლო საავადმყოფოში გადაყვანილია სამი ადამიანი. დეპარტამენტის განცხადებაში ნათქვამია, რომ დაღუპულია სამი ადამიანი.

შინაგან საქმეთა სამინისტროს ინფორმაციით, ავტობუსი გაჩერებიდან დაიძრა, გზიდან გადავიდა და მიწისქვეშა გადასასვლელში შევარდა, რის გამოც იქ გაიჭედა, გზაში კი რამდენიმე ადამიანი გაიტანა.

ადგილობრივი მედიის ცნობით, ავტობუსი მგზავრებს კორპორატიულ მომსახურებას უწევდა.

ამ დროისთვის მიმდინარეობს საგამოძიებო სამუშაოები და ტერაქტის ვერსია არ განიხილება.